ߒߞߏ ߘߍ߬ߡߍ߲߬ ߕߐ߲

ߞߵߊ߲ ߝߊ߲߬ߞߊ ߟߊߘߍ߬߸ ߞߊ߬ ߒߞߏ ߣߊ߲߬ߝߟߏ߬ ߞߏ߬ ߜߟߍߦߊ ߟߎ߬ ߓߊ߬ߟߊ߲ ߞߊߘߌ߫߸ ߏ߬ ߡߍ߲ ߦߴߊ߬ ߟߊ߫ ߥߙߎߞߌ ߛߋ߲߬ߠߊߛߘߌ߬ ߟߊ߫،

ߒߞߏ ߛߓߍߛߎ߲ ߕߍ߫ ߛߓߍߟߌ߫ ߜߊ߲ߛߊ߲߫ ߘߌ߫߸ ߊ߬ ߦߴߊ߲ ߞߎ߲߬ߠߊ߬ߦߋߙߋ߲ ߣߴߊ߲ ߡߊߟߐ߲߫ ߕߙߎ ߟߋ߬ ߘߌ߫߸ ߊ߲ ߠߊ߫ ߘߐ߬ߝߐ ߟߋ߬ ߜߎ ߦߴߊ߬ ߘߌ߫߸ ߊ߬ ߣߴߊ߬ ߦߋ߫ ߡߊ߲߬ߘߋ߲߬ߞߊ߫ ߖߘߍ߬ߥߟߏ ߓߍ߯ ߞߎ߲߬ߠߊ߬ߦߋ߬ߙߋ߲߬ ߞߏ߬ߓߊ߫ ߟߋ߬ ߘߌ߫، ߒߞߏ ߛߓߍߛߎ߲ ߛߌ߲ߘߌ ߞߐ ߣߌ߲߬ ߘߐ߫߸ ߒ߬ ߓߍ߯ ߦߋ߫ ߒߞߏ ߟߊ߫ ߘߝߊ ߝߐ߫ ߟߊ߫ ߡߐ߰ ߞߊ߲ ߠߎ߬ ߛߓߍ ߘߐ߫߸ ߛߓߍߛߎ߲ ߖߍ߬ߘߍ ߟߊ߫ ߓߘߍ߬ߦߊ ߘߐ߫، ߞߵߊ߬ ߛߐ߬ߘߐ߲߬ ߜߟߍ߬ߦߊ߬ ߛߌߦߊߡߊ߲߫ ߦߴߊ߬ ߛߋ߲߬ߘߐ߫: ߣߊ߲߬ߝߟߏ߬ ߞߏ ߜߍ߬ߟߍ߲߬ߡߊ߲߫ ߞߵߊ߬ ߞߐߡߊߓߌ߲ߓߌ߲߫߸ ߛߌ߲߬ߝߏ߲߬ߧߊ߬ߟߌ ߘߛߍߣߍ߲߫ ߘߊߞߎ߲߫ ߛߌߦߊߡߊ߲߫ ߘߐ߫ ߞߵߊ߬ ߡߊ߬ߡߊ߬ ߦߙߐ ߓߍ߯ ߟߊ߫.

ߏ߬ ߟߋ ߘߐ߫߸ ߊ߲ߠߎ߬ ߞߊ߬ ߒߞߏ ߘߍ߬ߡߍ߲߬ ߕߐ߲ ߛߌ߲ߘߌ߫، ߗߋߦߊߟߌ߫ ߜߘߍ߫ ߕߴߊ߲ ߠߊ߫: ߞߵߊ߲ ߝߊ߲߬ߞߊ ߟߊߘߍ߬߸ ߞߊ߬ ߒߞߏ ߣߊ߲߬ߝߟߏ߬ ߞߏ߬ ߜߟߍߦߊ ߟߎ߬ ߓߊ߬ߟߊ߲ ߞߊߘߌ߫߸ ߏ߬ ߡߍ߲ ߦߴߊ߬ ߟߊ߫ ߥߙߎߞߌ ߛߋ߲߬ߠߊߛߘߌ߬ ߟߊ߫، ߊ߲ ߘߏ߲߬ ߟߊߣߴߊ߬ ߟߊ߫ ߘߍ߲߬ߞߣߍ߬ߦߊ߬ ߓߟߏ ߡߊ߬߸ ߣߴߊ߲ ߘߍ߬ ߘߊ߫߸ ߞߵߊ߲ ߓߟߏ ߘߌ߫ ߢߐ߲߯ ߡߊ߬߸ ߞߵߊ߬ ߥߍ߬ߣߍ ߕߊ߬߸ ߊ߲ ߘߌ߫ ߛߋ߲߬ߕߊ߬ߓߊ߫ ߞߍ߫ ߘߊߞߎ߲ ߏ߬ ߘߐ߫، ߊ߬ ߘߏ߲߬߸ ߡߊ߲߬ߘߋ߲߬ ߓߊ߯ ߘߍ߬ ߞߊ߬ ߞߍ߫ ߞߋߟߋ߲߫ ߘߌ߫߸ ߝߘߊ߬ߝߌ߲ ߓߍ߯ ߦߋ߫ ߡߙߌߦߊ ߣߌ߲߬ ߦߋ߫ ߡߙߌߦߊ߫ ߓߘߍ߫ ߘߌ߫߸ ߊ߲ ߘߌ߫ ߒߞߏ ߟߊߛߋ߫ ߥߎߟߊ߫ ߟߊ߫ ߢߍߕߊ߯ ߞߊ߬ߘߊ߲ ߞߘߐ߫.