ߒߞߏ ߟߐ߯ߝߍߓߊ ߛߌ߲ߘߌߓߊ߮ ߣߌ߫ ߒߞߏ ߘߋ߲ߡߌߛߍ߲߫ ߞߟߊߓߎ߫ ߞߍ߲ߘߍ߫ ߞߟߊߓߎߡߊ߫ ߞߋߕߊ߬ ߝߊ߬ ߟߋ߬ ߞߊ߬ ߡߊ߲߬ߛߊ߬ߓߊ ߟߊ߫ ߞߟߌߟߌ ߟߊߡߌ߬ߘߊ߬ ߞߊ߯ߙߌߟߏ߲߸ ߂߀߂߆ ߞߏ߲ߓߌߕߌ߮ ߕߟߋ߬ ߁߁، ߝߎ߬ߙߋ߬ߣߍ߲ ߘߏ߲߬ ߘߴߊ߬ ߥߟߏߛߟߎ ߟߊ߫߸ ߡߎߛߦߊ߫ ߡߊ߬ߘߌ߬ߣߊ߫ ߂߀߂߆ ߞߏ߲ߓߌߕߌ߮ ߕߟߋ߬ ߁߃ ߡߊ߬، ߒ߬ߓߊ߬߸ ߓߊߘߍ߫ ߘߊߞߎ߲ ߘߐ߫߸ ߒߞߏ ߛߍ߲ߓߊ߫ ߞߵߊ߬ ߓߟߏߝߘߊ߫ ߗߋߦߊߟߌ߫ ߞߟߊߒߞߋ߫ ߟߊ߫ ߞߊ߬ ߕߊ߯ ߢߊߖߌ ߓߐ߫ ߓߊߘߋ߲ ߏ߬ ߟߎ߫ ߟߋ߬ ߢߊߘߎ߮ ߘߐ߫.
ߕߊ߯ߡߊ߫ ߛߌߟߊ ߏ߬ ߟߊ߫߸ ߡߐ߰ ߟߏ߯ߟߎ߫ ߟߋ߬ ߥߟߌ߬ ߘߊ߫ ߞߊ߲ߞߊ߲߫ ߞߊ߬ ߡߊ߬ߘߌ߬ߣߊ߬ ߡߊߜߍ߲߫:
߁߭ ߺ ߓߍ߯ߓߊߖߘߍ߬ߦߋ߫ ߞߡߊ߬ߙߊ߬
߂߲ ߺ ߟߏ߲ߞߊߛߌߦߊ߫ ߞߡߊ߬ߙߊ߬
߃߲ ߺ ߊߡߊ߬ߘߎ߫ ߛߎ߲߬ߕߎ߫ ߖߊ߰ߓߌ
߄߲ ߺ ߣߝߊ߬ߡߊ߫ ߛߌ߬ߛߋ
߅߲ ߺ ߛߌߕߊ߲߬ ߞߊ߬ߓߊ
ߏ߬ ߡߐ߰ ߟߏ߯ߟߎ ߟߋ߬ ߕߊ߯ ߘߊ߫ ߡߐ߰ߓߊ ߟߎ߬ ߟߊ߫ ߛߙߊ߬ߒ߬ߞߊ߲߬ߠߊ ߟߊߛߋ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߕߐ߯ ߘߐ߫.
ߡߐ߰ߓߊ ߡߍ߲ ߛߊ߬ߣߍ߲߫߸ ߊ߬ߟߋ ߟߋ߬ ߕߐ߯ ߞߏ߫ ߡߊ߬ߡߘߎ ߞߋߕߊ߬߸ ߞߟߊߓߎߡߊ ߞߋߕߊ߬ ߛߐ߬ߘߐ߲߬ ߝߊ.
ߒߞߏ ߟߊ߫ ߘߊ߲߬ߕߍ߰ߟߌ ߞߍ߫ ߘߊ߫ ߓߍ߯ߓߊߖߘߍ߬ߦߋ߫ ߞߡߊ߬ߙߊ߫ ߟߋ߬ ߓߟߏ߫߸ ߏ߬ ߡߍ߲ ߛߐ߰ ߘߊ߫ ߛߎ߬ߞߎ ߟߊߖߐߟߐ߲ ߡߊ߬ ߡߎߣߎ߲߬߸ ߡߍ߲ ߞߊ߬ ߓߊߘߍ߫ ߖߡߊ ߢߊߞߘߐߛߋ߫ ߞߏߛߓߍ߫، ߏ߬ ߞߐߝߍ߬߸ ߞߊ߬ ߞߊ߬ߥߊ߲߬ߘߟߌ߬ ߞߊ߲߫ ߛߌߦߊߡߊ߲߫ ߟߊ߫ ߏ߬ ߘߟߊ߫߸ ߞߵߏ߬ ߟߊ߫ ߞߊߝߎߙߊ߫ ߛߐ߲ߞߐ ߞߊ߲߬߸ ߖߕ ߅߅߀ ߀߀߀ ߖߊ߬ߕߋ߬.
ߏ߬ ߟߋ ߞߐ ߞߍ߫ ߘߊ߫ ߘߊ߲߬ߕߍ߰ߟߌ ߕߐ߭ ߟߎ߬ ߟߊߕߎ߲߱ ߘߌ߫߸ ߞߊ߬ ߝߎ߬ߙߋ ߡߛߊߟߌ߫ ߡߊ߬ߘߌ߬ߣߊ߫ ߕߌ߲ߓߌߘߌ߲ߘߊ ߟߊ߫ ߛߌߟߊߝߣߊ߫ ߛߊߟߌ ߞߐߝߍ߬߸ ߞߊ߬ ߥߴߊ߬ ߓߌ߬ߟߊ߬ߛߌߟߊ߫ ߛߊ߬ߙߌ߬ߟߏ ߘߐ߫ ߁߄ ߕߎߡߊ ߟߊ߫.
ߏ߬ ߟߋ ߞߍ߫ ߘߊ߫ ߛߌߟߊ ߢߌߣߌ߲ߣߍ߲ ߘߌ߫ ߒߞߏ ߛߍ߲ߓߊ߫ ߗߋߘߋ߲ ߠߎ߬ ߓߟߏ߫߸ ߞߵߊ߬ߟߎ߬ ߞߐߛߊ߬ߦߌ߲߬.
ߊߟߊߡߵߊߟߊ߫ ߤߌߣߊ߫ ߘߊ߫ ߛߊ߬ߓߊ߰ߕߐ ߟߊ߫ ߟߋ߬ ߘߍ߯.